البوستات اليايه بيكون محورها عن:
1.الكويتيه والانوثة المفقودة
2.بناتنا بالخارج
3.تأثير المهن القانونية على الحياة الزوجية
4.داء التسوق وتبعاته
اي موضوع تفضلون من هالمواضيع حتى اتكون فكرة البوست الياي عنها
Tuesday, August 22, 2006
اي موضوع تفضلون من هالمواضيع حتى اتكون فكرة البوست الياي عنها
posted by sOulvOice at 4:49 AM
| Permalink |
| Permalink |
19 Comments:
« back home
Post a Commentأول شى الحمدالله على السلامة
ثانى شى موضوعج هذا كان كل نقطة بموضوع الله يهداج
لكن خل نتكلم نقطة نقطة
الانوثة المفقودة
لا ما اعتقد فى انوثة مفقودة علشان تصير اوضح صار الحيا مفقود واهوا اللى كان يخلى البنت احلى بنظرى الحين اغلب البنات تتكلم بكل شى ضد انوثتها عادى ولا يهمها بعدين تقول ليش الرييايل عميان ما يشوفونى وتظل عانس تنسى جكرها وتحسب بعدين انها احلى وحدة ووتزوج اول هتلى من بياعين المحلات وتذم الكويتى اللى يتزوج غير كويتية
بناتنا بالخارج
اذا كنتى تقصدين اللى يدرسون انا اقول هذا اكبر غلط لان البنت تسافر او حتى الولد يسافرون بسن حرجة بوقت تشكيل الشخصية فتتكون الافكار بناء على المجتمع والناس اللى عايشنه واللى زين راح يكون متلخبط احسه
النقطة الثالثة
لو كانت مرة مشكلة ولو كانت ريال المشكلة اكبر
لان المرة بطبيعتها شكاكة ما عندها ثقة وانا لاحظت اغلب المحاميات لسان طويل على هلاقة بدون عقل
بالمقابل الريال يكون عفطى بسبب القضايا اللى تمر عليه
طبعا هذى مو نظرية تعمم على الكل انا اقول جزء منهم
النقطة الرابعة باختصار
انا عندى حساسية من السوق فبالتالى عندى حساسية من اى مرة تحب السوق
وبما ان كل الحريم يحبون السوق فاللى يصير ان عندى حساسية من كل الحريم الا اللى ما تحب السوق":)
طول وايد بس مو منى من موضوعج الله يهداج ":)
تحياتى
At 8/23/2006 2:14 AM, 
sologa-bologa
مساء الخير
لاني عزوبي ولله الحمد فالمواضيع الزوجية ما تهمني
وبما ان التسوق دم ضروسي وتنبط جبدي اذا رحت السوق مع امي او خواتي
فما افضل مناقشة هالموضوع
اما موضوع بناتنا في الخارج فما ادري ليش التركيز على البنات بس
الشباب يسوون بلاوي ولا تقولون لي الريال شايل عيبه
اما موضوع الانوثة المفقودة
اتمنى ان يكون له موضوعين مرادفين وهما
الرجولة المفقودة والذكورة المفقودة
ودمتم
At 8/23/2006 4:47 PM, sOulvOice
Tweety
يسلمج حياتوو وانشالله ترسي المناقصة علي هالموضوع
Lawyer
الله يسلمج
يشوق هالموضوع لانه يمس البنات والشباب بعد
albndry
افااا ليه كذا
شرفتينا بزيارتج
9hba'a
مشكورة عالاختيار ومشكورة اكثر عالزيارة انشالله ماتكون الاخيرة
عاجل
هيهيهي احلى شي
نورت البلوق
Sologa-bologa
قلت البنات بحكم اني بنت وامخالطة البنات اكثر بس الشباب ماعندي خبر عن تفاصيلهم الدقيقة
مع هذا انشالله بسياق الحجي اكيييد بنتحجي عن خماجير الشباب برة ولايهمك
نورت البلوق
Butterfly
mercooo '7ale9
its a honor 2 rewrite ur post idea again
ns. nick
The simper
hehehe
personally mako mashkl
Fuzzy
خطاك اللاش هيهيهيهي لاونت الصاج باقو ايميلي حسبي الله عليهم ارفعو ضغطي يعلهم الضاغووط
شكرا عالاختيار