Monday, September 04, 2006
رايكم ياجمـاعه
رايكم شباب ....كثر الحديث عن هالبرنامج وحقيقة بديت استملقه من قدمته اماني البلوشي ونواف القطان
الاخوان المسؤولين بتلفزيون الراي يمكن غاب عن ذهنهم انها قناة كويتيةةةةةة وصبغتها المفروووض تكون كويتيه وبرنامج يركز على هموم الشباب الكويتي والظواهر اللي بمجتمعنا ,,,,,ومن من باب " اهل مكة ادرى بشعابها"ماله داعي سالي وربع انجي يدشون بالسالفة اشعرفهم بحياتنا
حتى المقدمين الاثنين اللي ذكرتهم فوق طينتهم ثجيلةةةةةة ماينبلعون
ولاحظو كل مذيع يمر على هالبرنامج يبدي يطلع مواهبه الغنائية على رووسنا
يا اخي احنا اشذنبنا نسمعك,,,,صوتك حلووو؟؟؟؟ الله ماكثر البرامج اللي اطلع المواهب
خبري من اساسيات الاعلام القبوول والويه المريح عالشاشه مو هالسعالوة ,واللله مو قصدي اطنزز عليهم بس فعلا مؤرفين والمشكلة ماكو تطوير الا بالديكور انزين وشخص المقدم نفسه ومدي تطويره لقدراته واساليب تقديمه وين راحوو
مووضة هاليومين المذيع صاير 3*1
اهوو مذيع
اهو ممثل
اهو مغنى
ماخلوو شي
آه يالقهر بالفترة الاخيرة يابو مذيع يديد اسمه صالح الراشد اذا ماخانتني الذاكرة اول ماشفته قلت ليششش هالبلا يارب
نصيحتي لكل شاب جانك تبي تصير مذيع وتنقبل فوراااا
وقف كشتك
شقق جينزك وطلع سدرك
تمييع شوي
التلفزيونات صايرة مرتع للشواذ والمنحرفين واللي يقهر مستانسيلي عالمراهقين اللي يشجعونهم
كنت من متابعين هالبرنامج ببداياته على ايام المساعيد والبحراني بس جد عقبهم اخترررررب
 
posted by sOulvOice at 6:24 PM | Permalink |


8 Comments:
« back home
Post a Comment


At 9/04/2006 11:02 PM, Blogger tweety

لووووووووووووووول
والله صج من غيروهم ويابوا هالسالي والاماني والفتة القطان والبرنامج ماله لون ولاله كيف
انا مادري على اي اساس يقيمون نجاح البرنامج !؟
ولاحظي توزيعهم لى بغوا يتكلمون لازم وحدة منسدحة عاى الدري وواحد قاطين بروحه يم الطاولة !!!
والمشكلة الازلية للمذيعين الصوت مزعج واللهجة مقولبة واللغة العربية كلها بدليات
خوش بوست بردتي جبدي
انا اول وحدة حطيلي نجمة
:p

 

At 9/05/2006 12:35 AM, Blogger sOulvOice

وه فديتتتج والله

هههههه داشة امأيسة قلت محد بيدري عن البلوق عقب الكارثة اللي حلت فيني


ياملقي ملقااااه على هالسالي وهالاماني والحين يابولج وحده يديدة مادري من وين يطلع صوتها

لا صج امنقيينهم نقوةةةةةة بس نقوة مثل شقول

الله يسامحهم بس يعني مالقو واجهة تعبر عن الكويت غير هالنماين!!

 

At 9/06/2006 12:35 AM, Blogger tweety

لا يطوفج هالايام أخبار المذيع الفلتة الخطير الصرعة مشعل الشايع
المذيع والمطرب والفنان والممثل
ياربي ارحمني من المغثة

 

At 9/06/2006 1:12 AM, Blogger sOulvOice

@@صار ممثل

عمليق يخرررررع وينه ووين الفن

يذكرني بدغيشم نفس الدزاين



نورتي ياقمرر

 

At 9/10/2006 5:35 AM, Anonymous Anonymous

لوووووووووووووووووووووووول

اختي صح لسانج
بس نواف القطان مو كانه واد مهضومم واحسن واحد بالبرنامج :)

زيين شرايج بالمقدمييين الاوائل حسن البحراني ومحمد المساعيد ونها نبيل ؟
cute-Q8i
:)

 

At 9/10/2006 2:06 PM, Blogger sOulvOice

cute-Q8i



صح ابدنك

نواف يعتبر افضلهم واتوقع كان يقدر يطور نفسه بس بقروب مذيعين غير الي وياه الحين



ياربي على المساعيد والبحراني ويوهم مريحة عالشاشة +ماتحس بتصنع اثناء التقديم نفس الاسلوب بالاذاعه والتلفزيون


نهي ممتازة اشوفها مقارنة بباجي المذيعات اللي قراب من عمرها

عموما عندي انطباع ان بدايات اي برنامج او عمل فني تكون افضل من حاله فيما بعدد


حياك الله نورتنا

 

At 9/28/2006 5:02 AM, Blogger Maximilian

اي البحراني مع ولد العمة اكبر غلطه سواها انه قبل يروح المارينا
وانا اوافقج ان القروب الاولي كان ابسط واحسن

 

At 9/28/2006 5:05 AM, Blogger Maximilian

اي اي البحراني ولد العمة اكبر غلطه سواها انه قبل يروح المارينا
وانا اوافقج ان القروب الاولي كان ابسط
وانا اوافقج ان القروب الاولي كان ابسط واحسن

 


« back home
Post a Comment