Monday, November 27, 2006
ليش فلانة اتحبني وما اقدر احبها بنفس الدرجة بالمقابلليش يتقربون منا وانصد لاارادياليش ننفر منهم بالرغم من عدم وجود تجارب سابقه معاهمليش نشعر بالغربة بوجودهم على الرغم من لطفهم معانا و نئد اي محاولة منهم للتقرب مناهي خلوقة,,طيبة خدومة ولكن بمجرد رؤيتها تنتابني حالة من التأفف والاخرى مجنونة مغرورة ولكن اثق تماما اني برفقتها سأقضي يوما مليئا بالفرح والظرافةهو جميل ,,وسيم طويل القامة كما اتمنى ولكن جامد ميت عديم الرووح بينما الاخر متواضع الهيئة عفوي التصرفات ولكن بمجرد رؤيته اتأهب بدون سابق ارادة لملاقاة لحظات جميلةالقبووول القبووول القبووول يخلينا انتقبل عيوب اللي جدامنا بكل رحابة صدرليش انشوووف ملاقة من نحب خفة دم م م م ؟؟؟؟ليش نتحمل تهور افعالهم وينونهم بكل طيب نفس وخاطر؟؟؟؟ليش اسمع كلمة من س واتقبلها بكل سرور ونفس الكلمة لو اسمعها من ص وباسلوب قد يكون الطف ولكن مااتقبلها؟؟؟؟ أعتقد ان القبــول من اهم الصفات اللي لازززم يتمتع فيها الانسان حتى يستطيع انه يعايش البشرر ويتفاعل وياهمصفة مهمة جدا جدا لا يغنينا عنها المــال ولا الثقافة ولا الجمــال صفة الحضوور والقبول الاجتماعي لاتتعلق بلباقة الحديث واختيار الكلمات المزركشة ولا بكيل المديح للغير هي صفة فطرية او اقدر اسميها منحه ربانية ثمينة وجواز مرور لقلوب الاخرين تسهل رؤية الابتسامة على وجوهنا بمجرد رؤيتنا لمن يتمتعون بهذه الميزةثبت لي ان مو كل شي بالدنيا يمكن تفسيره باسباب منطقية فالقبوول الروحاني يأتي من غير اسباب في كثير من الاحيان
posted by sOulvOice at 4:03 AM
|
Permalink |
mawthoo3 7elo oo wayed enmor feeh eb 7ayatna el yawmeyah. 9a7ee7 ena elmafrooth ena e7na netqabal kel el nas oo net3alam shlon enshoof el shaghlat el zenah eli fehom oo netghatha 3an el shaghlat eli mo zenah, bas fe nas mako fayda fehom. kelmatgool 7aram oo khalas ana ba7awel abla3hom, eyoon oo yakhbe9oon el denya oo tlaqe nafsek ekrahat`hom zyadah. elwa7ed ey7awel bas marrat mo bedah. ya36eech el 3afya :)
يختج كل كلمه قلتيها صدقتيها ...
في ناس مهما تحاولين ترقعين فيهم ما ينبلعون .. شوفي انا معاج ان القبول الروحاني له دوووور ..
لكن صدقيني بشكل من الاشكال .. هالانسان فيه تصرف او طريقة معينة تخليج تنفرين منا ... يمكن هالشي ما يلاحظه الكل وحتى الشخص نفسه ما يدركه ..
والله على ما اقوله شهيد .. خخخخ
ثبت لي ان مو كل شي بالدنيا يمكن تفسيره باسباب منطقية فالقبوول الروحاني يأتي من غير اسباب في كثير من الاحيان
صحيح 100 بالمية
ومثل ما يقولون
المحبة من الله
ياما ناس تلاقينا معاهم وما نعرفهم بس
يدشون القلب من أول نظرة
اللهم اجعلنا منهم
ولا تجعلنا من الناس الكريهين المليقين
اللهم آمييين
كل ما يفعل المليح مليح يا سولفويس
والقلب لما ينفتح حق شخص مره مهما يصير بينهم مو ممكن يتحول الأعجاب الى كره يظل له قدره وتظل متقبله تفكيره حتى لو كان مو التفكير الأحسن
بوست رائع سسولفويسيه
اعزائي..!! شاركو معنا بالتصويت الجديد
كلام جميل كلام معقول ماقدرش اقول حاجه عنه
في ناس لو تجبرني نفسج غصب ما تبلعينهم وناس اتعيزين توضحين سبب انجذابج لهم ما تقدرين لأن مافي بالفعل تفسيرات منطقية أو أسباب علمية
انا وايد أؤمن بالكيميا اللي تربط بيننا وتخلينا نتجاذب أو نتنافر
والمحبة من الله
ينصر دينك
عجيييييييييييب البوست
صاجه بكل كلمة
اي والله
ضربتي على الوتر ياسول فويس
يقولج:
عيون الحب لا يمكن تناظر عيوب الخل
لو كله عيوب
موضوعج وايد رائع
في بيت شعر يقول
وعين الرضا عن كل عيب كليلة
ولكن عين السخط تبدي المساويا
اما الانطباع الاول فهو بالتأكيد شي مثل الكيماء اما ان ننبهر او لا ننبهر
بوست وايد حلو يا حلوة
تصدقين صار عندي انطباع من الصورة
انه انتي اكيد ابتسامتج حلوة
!! أصبتي كبد الحقيقة
شدعوة علي صايررة صجية!هههه
يا ربي المحبة من الله بعد شنسوي :/
هالموضوع يذكرني بالمثل الشعبي
(اللي يبينا عيت النفس تبغيه ، و الي نبيه عيى البخت لايجيبة)
و سلامتكم
مو كل شي بالدنيا له سبب
و مو كل شي تعرفين ليش قاعد يصير وليش مو قاعد يصير
والقبول من هالاشياء
اللي ماتعرفين سببها
:)
موضوع حلو
النفس و ما تهوا
و لي حبتك عيني ما ضامك الدهر
يختىىىىى مادرى لييش ؟؟ النفس وماتشتهى وتهوىىىى
صج فى ناسس عسللل وأتقبل منهم كلشى كلشىى وفى ناسس كلششش لا لا لا
ههههههههههه
الحب والنفسسيه لهم تأثييير عمييييق جدااا ومريت بهالمراحلللل
شوفى
بلا اكتبت عن الفيزياء ذاك اليوم
وانا اقولج
الكيمياء
الكيمياء الكيمياء
ما يصير اذا نقول ماى
نخليهم 3 ذرات اوكسجين و ذرتين هيدروجين
لازم تكون 2 الى 1
علشان يصير ماى
بالضبط الانسان
علشان يتوالم مع الشخص الثانى
القبول اللى تقولين عنه
اهوا الكيمياء
بين الناس
وصلتووووا المعلومة يا سوسو؟:)
والله يا سول فويس جنج تقرين افكاري.. انا كنت مفكرة انزل بوست عن هالموضوع
بس انا عندي شغلة غريبه او تختلف عنكم شوي: أنا الانطباع الاول عندي كلشششششش مو مقياس عشان احكم على الشخص.. يعني ركزي معاي, اذا انطباعي الاول عن واحدة انها مليقة سبحاااااااااااان الله تطلع واااااااااااايد حبوبة و خوش بنية و سنع و كل شي
واللي اشوفها اول مرة بحياتي و اقول عنها مشاءالله ويها سممممممممممح مجرد ما احتك وياها اكتشف انها عكس ذلك تمااااما
بس لا لا والله انا اللي استملقه لدرجة اني اقول واااااي شلون تحاجون هالشخص مليييييييييييييق بس بالنهاية يطلع خووووش واحد و مهضوووووووووم :)
charisma
أهم شي القبول
أنا من النوع إللي أعطي إنطباع إنني فرندلي
بس مصيبتي العظمي لما ياخذون الرقم
يكرهونني
لأن مو كل أحد يصير جريب مني
صعب يتقبلوني و أتقبلهم
أصير إشوي بايخه و مليقه ليه قربوا من عريني
هههههههههههه
ههههههههههههه
بوست قمه بالروعه
تسلملي أفكارج
3eshtaw
يم يم اموووتن بالكرز
والله ساعات مايبدر منهم سوء تصرف بس مع هذااا ماتقدرين تبلعينهم وهالشعور يظيق الخلللق كوز مالهم ذنب بس شنسوي بعد حتى احنا مالنا ذنب خخخ
:)مشكووورة عالتعلييييق
tasty
اذا فيه طبع بايخ بينج وبين نفسج تلقين مبرر لنفوورج منه بس اللي مافيه شي وخلقةة مستثقلته!!
اي صاااااااجة اكو ناس ماكو احساس بنفسهم ويتساءلون ليش العالم ينفروون منا ,,اكيد في خلل بتركيبتكم اتنحش الاوادم
مرسي يائمرر
sologa
لوول
الهي امين ن ن ن ن
سمعت حديث بالاذاعه كانو يتكلمون عن نفس الموضوع فقال المختص ان وحده من اسباب تجاذب الناس وتقبلهم بعض مااذكر بالضبط الكلمة بس مثل موجات او اشعاعات تطلع من الانسان تجاه الاخر وعلى اساسه يحصل الشعور النفور او القبول
مشكوووور عالمرور
hosno
سسولفويسيه يازلتي
كلامك صحيح بمنطق الحب
القبوول والتوافق بين المحبين كـــارثة لطيـــفة
مشكووور هوسنووو
tooOOto
والله انتي اللي ماائدرش اؤول حاقة عنك
لج قبول مو طبيعي بدوووووون مجاملة
الكيميا ثم الكيميا
اتقرب القلبين واتجمع النقيضين واتخلي الحبيب واحد من بعد ماكانو اثنين
مرسوو :*
سالفه
يادين النبييييي ;D
القبوول هذا مشكلته داش بكل مجالات الحياة صداقاتنا زواجنا بلوقاتنا
كوول اشي
مشكووورة سالفة
مرسووو جميـــــعا
kitty
loOol
نفس كلمتي اللي اوصف فيها نفسي بهالمواقف
يعتري الانسان بهالمواقف احساس بالخسة حشاكم
بعد هم ماكو شخص يتقبلوونه كل البشررر على حد سواء هذي طبيعة الحياة مو لعيب في الاخرين لاسمح الله
انا اقول القرين له دور
لوول
مشكووورة كيتي
neela
حياتي والله :* اي كلمة مدح منج اعتبرها شهادة لانج فعلا انسانة راقية وفاهمة
الانطباع الاول يصدق معاي بس دايما اوهم نفسي بما يسمى
تكرار محاولة تقبل الاخر :(
مشكورة نيلة
reflaction
صدقتي والمثل الثاني يقوول
القلووووب شواهد
ناس تلقينهم محبوبين من المحيط اللي اهمة فيه
الكل يان عليهممممم بس انت لأ!!!!!
يالله منج ولا منهم؟
مشكووورة نورتيني بالزيارة الاولى
pearl
صاجه
وكل فئة بهالكون لها معحبينها ومنتقدينها وماكو شخص واحد يجتمع الناس على حبه
حال الدنيا
مشكوووووورة بيرل
cr8ivia
تعليقا على الامثال
اعتقد ان القبووول ركيزة ومرحلة لا بد انها تسبق اي علاقه حتى الحب
مشكووووورة عالتعليق
pop
اهلا بالقمر
اي والللللللله ناس عسل وناس بصل
القبوول عندج له معايير خاصة :)))))
مشكووووووورة حبي
mishari
وصلت يافندم
ايوة بالضبط ط ط
عبرت عن اللي اقصده بمثال علمي بحت ت ت
مشكووووور مشاااري
purple
شي جميللل انهم يطلعون عكس انطباعج السلبي
انا عكسج البايخ اصيده من كلمة من تصرف بسيط بس اصبر نفسي على امل انه يغير فكرتي للافضل بس ماكو فايدة هم يخيب الظن فيه
مشكووورة بيربل
reema
نقطة القرب
صحيح كلامج مو كل شخص يقدر يدخل دائرتنا الخاصة ويصير قريب لانفسنا
عموما انا من مؤيدي الحدود المعقوولة بالعلاقات مع الجنسين ولكن القبووول يحطم في بعض الاحيان كل الحواجز
مشكووورة ريما
